Pedalei eraginez etorkizun jasangarri baterantz
Mugikortasunaren, kirolaren eta ingurumenaren zaintzaren bidez, gizarte bidezkoagoa, osasungarriagoa, inklusiboagoa eta jasangarriagoa eraikitzen laguntzen duten ekimenak sustatzeko eta babesteko konpromisoa daukagu.
Bizikletak gizartea eraldatzeko duen ahalmenean sinesten dugu. Hori dela eta, gure konpromiso nagusietako bat gizartean eragin positiboa sortzen jarraitzea da. Hau guztia aldaketa bultzatzen duten eta etorkizun iraunkorragoa eraikitzen duten ekimenak bultzatuz, sustatuz eta kudeatuz egiten dugu.
Gure misioaren gakoak
Gure oinarri-printzipioek gure konpromisoa definitzen dute eta benetako eragin jasangarri baterako bidea markatzen dute
Mugikortasun iraunkorra
Mugikortasun iraunkorra eta deskarbonizazioa bultzatzen duten proiektuak sustatzea eta babestea, eta bizikletak funtsezko rol bat jokatzen duten proiektuei lehentasuna ematea.
Kirola eta ongizatea
Aisialdia eta kirola, batez ere txirrindularitza, sustatzen dituzten proiektuak babestu eta laguntzea; bai arlo profesionaletan, bai afizionatuetan eta baita hezkuntzakoetan ere.
Formakuntza, eta jarduera ekonomikoa eta kooperatibista
Formakuntza- eta ikerketa-zentroak babestea, baita bizikletan eta gizarte-ekonomiako ereduetan oinarritutako enpresa-proiektuak ere, garapen jasangarria eta ingurumen-eraginaren murrizketa sustatuz.
Justizia soziala
Pertsonen eta herrien arteko elkartasuna sustatzen duten ekimenei laguntza ematea, bai eta kolektibo ahulenak eta bazterketa-arriskuan daudenak babesten dituen justizia soziala garatzea ere.
Kultur ondarea eta kirola
Euskara eta euskal kultura, eta, halaber, kultura-, kirol- eta ingurumen-ondarea zaindu eta garatzen dituzten proiektuak sustatzea.
Arrakastak partekatzen denean baino ez du zentzurik.
Ekintza nabarmenak
Justizia soziala
Project Fearless
Project FEARLESS irabazi-asmorik gabeko erakundea da eta, hezkuntza-programen eta talde-esperientzien bidez neska eta gazteak ahalduntzea du helburu. Ekimen horiek konfiantza, erresilientzia eta garapen pertsonala sustatzen dituzte. Bere ikuspegiak jarduera fisikoa, ikaskuntza eta komunitatea uztartzen ditu, hazteko, adierazteko eta autonomia garatzeko espazio seguruak sortzeko.
Kirola eta ongizatea
Miribilla Cycling taldea
Miribilla Cycling taldea erreferentziazko kirol-klub bat da Bilboko hiri-ingurunean. Jarduera fisikoa eta bizimodu aktiboa sustatzen ditu, ongizatea, bizikidetza eta gizarte-kohesioa indartzeko. Bere jardueren bidez, parte-hartze irekia eta komunitate-sentimendua sustatzen ditu.
Kirola eta ongizatea
Puro Pirineo
Puro Pirineo irabazi asmorik gabeko elkarte bat da. Benasque haranean bide-sare bat garatu eta mantentzen du. MTB jasangarria, ondarearen berreskurapena eta turismo aktiboa sustatzen ditu.
Justizia soziala
UNICEF
UNICEFek haurren eskubideak maila globalean babesteko lan egiten du, hezkuntza, osasuna, edateko ura, segurtasuna eta etorkizun duina eta jasangarria bermatuz.
Kultur ondarea eta kirola
Lurgaia
Lurgaia Fundazioak natura-ondarea berreskuratzeko eta kontserbatzeko lan egiten du, biodibertsitatea eta ekosistemen berreskurapena sustatuz, espezie autoktonoekin basoberrituz.
Kultur ondarea eta kirola
Korrika
AEK-k antolatutako euskararen aldeko lasterketa da Korrika. Euskal Herria zeharkatzen du euskal hizkuntza eta kultura sustatuz, eta gizarteko esparru guztietan erabilera bultzatuz.